P3morgen » gjest

Artikler med emneordet ‘gjest’

Bursdagskalas med Hennie og Hell

Av Ronny Brede Aase, 10. desember 2010. Postet i gjester, p3morgen

For ein fredagsmorgon!
Live har bursdag i dag. Vi feira i tre og ein halv time til endes saman med gjesteprogramleiar Aksel Hennie.

Han var i toppform, og prata om reklamefilmar han lagar, den nye filmen Hodejegerne, som han håpar å få ta ein fyrste titt på snart. Han prata òg om det nye slottet sitt, dottera som er nesten like flink til å spele musikk som dama og så hadde han med seg litt av ei bursdagsgåve. Både eksklusive bollar, eksklusiv eplejuice og ei bakebok med tittelen “Sjekk de brøa”. Fett? Ja!

Som om ikkje det var nok, kom Thom Hell på overraskelsesbesøk, og spelte live for bursdagsbarnet. Han hadde òg tid til å bli med vidare til dagens podkast av sendinga. Den bør du laste ned, altså! Der får du 1,5 time kjempestemning med Hennie, Hell, Hustad Reite, Nelvik og Aase. Og ei løve som brått kom innom studio.
Podkasten kan lastast ned via iTunes og via vår RSS-feed. Og så kan du berre klikke play under her, kjære venn:
P3morgen 10.12.10

BONUS:

Live fekk sjølvsagt gåve frå oss andre òg. Ho elskar Ole Brum, men eg og Yngve fekk ikkje tak i ekte Ole Brum-kopp, så vi laga ein til ho:

Yngve teikna sjølvaste bjørnen.

Ronny stod for baksida. Ikkje så pen.

Denne søte designpepperkaka laga vår reporter Silje til Live. Du verda, så flink ho er!

Les mer

Krogh elskar Mena

Av Ronny Brede Aase, 7. desember 2010. Postet i gjester, p3morgen

Då Hanne Krogh vitja P3morgen tysdag morgon, kunne ho fortelje at ho har fått seg ei ny julefavorittlåt.

– De spelte den då eg var på veg hit, og det gjorde heile dagen min. Maria Mena sin Home for Christmas. Den er så nydeleg. Ho er nydeleg. Og så håpar eg denne låta befestar hennar posisjon som ein fabelaktig låtskrivar og sanger, sa ho.

– Det er akkurat som om den sangen brettar opp brystkassa mi og går rett inn i sjela. Eg får ro av å høyre den.

Apropos sang:
P3morgen inviterte Hanne med på vår vesle omskriving av “Deilig er jorden”. Høyr den her:
Hanne Krogh syng med P3morgen

Hanne prata òg om det å bli identifisert med Sonja frå Reisen til Julestjernen, 34 år seinare, noko ho tykkjer berre er stas.
Vil du høyre meir om det, og korleis filmteamet måtte reise landet rundt for å finne snø, og om at Hanne eigentleg hadde gitt opp artistlivet då ho fekk tilbod om Sonja-rolla? Sjekk ut podkasten av dagens sending. Den finn du i iTunes, som RSS-feed og her:
P3morgen podkast 07.12.10

Les mer

RR køyrer fleip eller fakta

Av Ronny Brede Aase, 18. oktober 2010. Postet i gjester, p3morgen

Bra mandagsmorgon i dag! Radioresepsjonen var innom. Dei fekk alle tre i oppgåve å finne påstandar om seg sjølv, og så skulle dei to andre gjette om det var sanning eller løgn.
Her i videoform:

Som om ikkje video er nok, kan du høyre lyd av dette, og resten av intervjuet i dagens podkast. Den finn du i iTunes, på p3.no/podkast og som RSS-feed.
Og her, då:
P3morgen 18.10.10

Les mer

Ukulele og improhistorie frå Røise

Av Ronny Brede Aase, 11. oktober 2010. Postet i gjester, p3morgen

Jan Gunnar Røise har spelt i filmane om Knerten, har hovudrolla i Se og Hør-filmen “En helt vanlig dag på jobben” og skal dei to neste åra drive med komishow på Thorsovteateret.
I dag var han i P3morgen. Han hadde med seg ukulela si, for han spelar jo faktisk i band òg. Og så improviserte han ei historie om livet sitt, til ei rekkje tilfeldige lydar. Sjå videoen, då vel!

Les mer

– Moby var ein liten, kåt amerikaner

Av Ronny Brede Aase, 8. oktober 2010. Postet i Ukategorisert

I dag var MGP-general Per Sundnes gjesteprogramleiar i P3morgen. Fyren har jo vore overalt, og opplevd så mykje spennande. Han fortalde mellom anna om då han møtte artisten Moby, etter at Moby nett hadde gjort gigantsuksess med albumet “Play”.

Les mer

Odd Nordstoga syng og anbefalar

Av Ronny Brede Aase, 5. oktober 2010. Postet i gjester, p3morgen

I dag var Odd Nordstoga på vitjing i P3morgen.
Det var skikkeleg triveleg. Han song og spelte, og så tok han med sine tre favoritting. Alt det kan du sjå på video her:

Les mer

Atle og Øystein anbefalar

Av Ronny Brede Aase, 29. september 2010. Postet i gjester, p3morgen

I dag var Atle Antonsen og Øystein Karlsen på besøk i P3morgen. I morgon har dei premiere på den nye serien Dag, på TV2. Dei tok med tre ting dei på ein generell basis vil anbefale alle. Her kan du sjå video av det:

Vi fekk inn frykteleg mykje sms frå folk som lurte på kvar ein kunne få tak i vekkerklokka til Øystein under dagens sending.
Du må til England, og til nettbutikken firebox.com. (Vi tykkjer imidlertid at du bør vurdere ei klokke med RADIO i staden.) Atle kunne melde at den fancy elektronikkfiksesprayen hans er å få tak i på ei av dei større norske duppedingskjedene.

Her kan du sjå ein trailer for Atle og Øystein sin nye serie. Atle spelar samlivsterapeuten Dag, som eigentleg trur på det å leve åleine. Øystein har skrive manuset saman med Kristopher Schau. (Dei to har tidlegare laga “De syv dødssyndene” og P3-programmet “Et Norge i Krig” saman).

http://www.youtube.com/watch?v=eiXlLGcq7Ec

Om du no tenkjer at du er keen på meir av intervjuet med Atle og Øysten, så kan du sjekke ut podkasten av dagens sending. Den finn du i iTunes, på p3.no/podkast og som RSS-feed. Og så kan du trykke play her for å høyre:
P3morgen 29.09.10

Les mer

Skarbø si “roteskuff”

Av Ronny Brede Aase, 28. september 2010. Postet i gjester, p3morgen

Synnøve Skarbø var hos oss i dag. Ho er programleiar for Wipeout på TVNorge, og prata om det å lage fjernsynsprogram i Buenos Aires, om pool-parties og om at ho ikkje er keen på å gifte seg.
Og så hadde ho med roteskuffa si. Synnøve er visst sjukt oppteken av ryddigheit, så roteskuffa er den einaste plassen i leiligheita der ho tillet litt rot. Men så er den ganske ryddig den òg, gitt. Sjå berre her:

Ordensmenneske i aller høgste grad.

BONUS:
Yngve ser ut som ein lærarvikar i dag.

Les mer

Tone kan ting som ikkje vi kan

Av Ronny Brede Aase, 24. september 2010. Postet i gjester, kroppen, p3morgen

I dagens sending var Tone Damli Aaberge gjesteprogramleiar. AWESOME!
Yngve var innom, og lot Tone få vere med i den kjekke spalta “Kroppskoppen”, kor Yngve trekk opp tilfeldige spørsmål om kroppen frå ein kopp.
Då kunne Tone fortelje at ho klarar å brette opp augelokka sine. Kva? Really? Jaja, sjå video!

Om du syns Tone på radio er like gøy som vi tykte det var, kan du høyre dagens podkast! Der slarvar vi om det nye slottet Tone har kjøpt saman med typen sin. Og så pratar vi om dialekta hennar, om fluortablettar, om Twin Peaks og edamame. Og så er jo Tone med på bonussporet!

Podkasten finn du i iTunes, på p3.no/podkast, som RSS-feed og her:
P3morgen 24.09.10

Les mer

Kåss Furuseth og kjøttstemma

Av Ronny Brede Aase, 23. september 2010. Postet i gjester, p3morgen

Else Kåss Furuseth var her i dag. Ho anbefalte pesto, non-erotic cock massage og veldedigheitsarbeid. Og så prata ho om idèar ho har hatt i Torsdag Kveld, som har blitt forkasta. Sjå videoen!

Les mer

Artikler med emneordet ‘gjest’

Bursdagskalas med Hennie og Hell

Krogh elskar Mena

RR køyrer fleip eller fakta

Ukulele og improhistorie frå Røise

– Moby var ein liten, kåt amerikaner

Odd Nordstoga syng og anbefalar

Atle og Øystein anbefalar

Skarbø si “roteskuff”

Tone kan ting som ikkje vi kan

Kåss Furuseth og kjøttstemma

Søk

Ronnys livsstilsendring

Klikk her for å følge Ronnys lavterskel livsstilsendring

Siste kommentarer

P3morgen på Twitter

Info

Kontakt

Besøk