Eva og Thomas var så hyggelig at dei stod opp tidlig på tysdag, berre for å besøkje oss i studio
Tysdag var P3morgen så heldig at godaste Eva og hennar heartmaker Thomas tok seg ein tur innom studio. Vanlegvis plar dei ikkje stå så tidlig opp, så dei tok ein stjernelook med hatt og solbriller.
Men det var ikkje nok for oss at me hadde dratt stjerneparet ut av senga på eit, for nokon og for dei, gudsjammerleg tidlig tidspunkt denne morgonen. Sjølvsagt ville me jo at dei skulle spela for oss også!
Me hadde då, ganske så beleilig, lagt ein gitar stemt og klar ved sidan av mikrofonen. Berre sånn i tilfelle dei skulle få lyst til å ta ein trall. Og trur du sannleg ikkje dei gjorde det også? Den nydelige låta Life still goes on, frå det forrige albumet til Eva and the heartmaker.
Dersom du ikkje fekk den med deg så kan du høyra den igjen her, eller om du allereie har høyrt den så kan du sjølvsagt få lov til å høyre den på nytt. Det burde du!
