Vi i P3morgen elskar tradisjonar, og arrangerer for tredje år på rad julefrukost frå NRK sitt Store Studio! Kom og bli med!

Fredag 20. desember flyttar vi heile sendinga vår inn i Store Studio! Vi inviterer med oss Honningbarna, Matilda og verdas beste lyttarar!

** PÅMELDINGEN ER AVSLUTTET **

– Nydeleg julemusikk

– Både Honningbarna og Matilda lovar å servere nye versjonar av kjende julelåtar! Det blir garantert heilt nydeleg, seier Silje. Sjølv kler ho seg nok ein gong i sin heimelaga julegenser og gler seg maksimalt til frukostfest på radio – saman med deilige lyttarar.
– Eg håpar du som startar dagen saman med oss utanfor radioapparatet til dagleg har lyst til å henge med oss, reint fysisk, denne fredagen rett før jul.

Live i geografiquiz

Denne fredagen skal òg Live Nelvik gå gjennom den ultimate “kva er hovedstaden i…”-testen! Og du kan vinne radio om ho klarar det.
– Eg har fått så mange spørsmål om hovudstadar, og eg har bomma så mykje. Denne morgonen skal eg verkeleg vise kva eg er god for, seier Nelvik, som gler seg enormt til fellesfrukost.
– Alle vener plar jo samlast før jul. Og eg gler meg enormt til å samle venene vi delar kvar ein morgon med, seier Nelvik på telefon til underteikna.
– Ein dobbel cortado med lettmelk, takk, seier ho vidare. Men denne gongen pratar ho til nokon andre.
– Det blir kjempegøy å runde av P3morgen-året med julefrukost, seier Live Nelvik. Denne gongen til bloggforfattar.

Kva har skjedd tidlegare?

Dette er tredje gongen P3morgen arrangerer julefrukost. Og tredje gongen er det ein tradisjon, veit du! Her er eit par videohøgdepunkt frå tidlegare år:

I 2011 var LidoLido gjest på P3morgens julefrukost. Han gjorde ei herleg nytolking av sin favorittjulelåt. Sjå video:

Eva & The Heartmaker har òg tolka julemusikk på frukosten. I fjor spelte dei nydelege Maybe This Christmas:

Live Nelvik tapte ein quiz ein gong, og som straff måtte ho under julefrukosten framføre eit julete og cabaretaktig show:

Ungfolane og hitmakarane i Kid Astray framførte under fjorårets frukost sin versjon av Driving Home for Christmas:

I fjor arrangerte òg eg den STORE gløggleiken. Det gjekk hardt utover Yngve og Silje:

Her framførar Thom Hell og Live Nelvik When You Wish Upon a Star i 2011:

Det blir minst like hyggjeleg i år! Kom og kos deg inn i jula saman med oss! Meld deg på her!