-Bandet var crap!
Publisert 14:40 9 March, 2011
Tysdag 08.mars besøkte Bigbang Popsalongen for å snakke om det nye albumet, kjærleiken og kva som får Greni til å hoppe frå tak støtt og stadig.
På det nye albumet til Bigbang er sjelelivet som er fokus. Foto: Stian Andersen
– Kva er det du står å voggar etter?? Sei no berre det du tenkjer på då! Popsalongen sin programleiar står og trippar, og er så nervøs at Øystein Greni har lukta lunta allereie før han entra Marienlyst. Andreas skal til å stille seg i rekkja av kreative folk som har spurd Greni om brotet med ekskona.
– Veldig mange har hatt fokuset på brotet. Er du lei av å snakke om det? Angrar du på at du rulla denne historia opp?
– Neida, eg angrar ikkje. Dette er noko alle går igjennom og i slike situasjonar høyrer ein på musikk. Og eg lagar musikk frå livet mitt, så eg kan då ikkje drive å lyge til folk og sei noko anna enn det eg føler, svare ein open Greni. Nice save!
Dårlig band blei til stagedive
Bigbang har blitt kjend for å vera eit av dei beste livebanda i landet,og etter konserten på Operahuset i fjor sommar har det ikkje blitt mindre mas.
– For å vera helt ærlig så byrja eg med all tullballet for å ta merksemda vekk frå kor dårlig eg syntest bandet høyrtes ut. Men no høyres det jo bra ut, så burde eg eigentleg slutte med slikt og bli kjedeleg, seier Greni.
– Men Operahuset var ein heilt grusom konsert for meg! For det var ei slags forsinkelse på lyden så folk stod å digga i utakt, og eg viste jo at dette fekk oss til å sjå skikkelig dom ut så eg blei heilt psyka ut. Då hoppa eg i vatnet og han der sikkerheitsvakta kasta ein bøye i hovudet på meg, så eg haldt på å bli slått medvitslaus fordi dei er så tunge, fortel Greni.
Bigbang måtte sjølvsagt klimpre litt på gitarar og trø til med musikk når dei var i studio, så dei slo til med låta Cigarette frå det nye albumet deira Epic Scrap Metal. Etterfølgt av ein cover av det P3 aktuelle bandet Turns sin Do it again.
Tags: bigbang, coverlåt, norsk musikk, P3, P3tv, Popsalongen, video