Henta ein halvliter øl og ein stor popcorn i foajeen, og satte meg godt til rette i eit deilig stress-less type kinosete. Den første reklamen var for Fernet, den neste for Tuborg. Kino er i det heile tatt meir rock’n’roll i Danmark!

Filmen: Bandet blir presentert, herlig gjeng, spesielt bassisten, vokalisten er litt meir seriøs. Gitaristen og trommisane er litt meir anonyme. Materialet er stort sett nye intervju, eit konsertopptak frå køben og ein seanse frå LA rundt 2000. I tillegg eit par tv-opptak frå Nordic Awards, Roskilde etc. Gjennomgangstemaet er at bandet er “one hit away from world domination” og det stemmer for det meste.

Filmen var ikkje teksta, så eg gjekk glipp av ein del poeng, det var ein del latter over danskemuml som eg ikkje fekk med meg. Artig med eit par opptak frå dei gamle ku-pønkdagane med cowboyhatt og lisseslips. Artig og med ein sekvens der Kurt Nilsen, Nina Persson og ein annan fyr leverer ein pris til bandet , alle utanom Kurt Nilsen blir kreditert i slutten av filmen.

Alt i alt ein trivelig rockefilm med god stemning, den kunne kanskje gått litt meir i dybden, men bra komponert med både opp og nedturane i karriæren. Eg fekk iallefall lyst til å finne fram igjen dei gamle DAD platene.