Frustrasjonen var stor då Ronny måtte smake på makrell i tomat under dagens P3morgensending som også blei streama live på p3.no for aller første gang.

Gjesteprogramleiar Carsten Skjelbreid visste ikkje at Ronny for lengst hadde lagt ned veto mot å smake på fiskepålegget, difor blei Ronny pent nødd til å legge vetostemma til side og smake på utysket.

Mellom brekning og gulping sa den ellers så positive P3morgenprogramleiaren:

– Denne smaksspalten går bra så lenge ingen drar fram makrell i tomat, då klikkar det for meg.

Dette har Ronny smakt på tidlegare i spalten “Ronny smakar på vanlege ting”.

For å sikre arbeidsplassen under smaksprøven løfta Ronny ei bøtte opp på bordet i tillfelle det gjekk skikkeleg ille. Yngve helte opp eit glas med eplejus slik at Ronny kunne døyve den verste smaken.

Det jævligaste i heile verda

Ronny klarte å smakte ein bitte liten bit av pålegget som hundre-tusenvis av barn og voksne over heile landet gjerne smører på skiva si kvar dag. Men ikkje Ronny, han gav ikkje uventa tommelen ned for makrell i tomat.

– Det er det jævligaste i helie verda, konstanterte Ronny då det heile var over.

Det er første gang P3morgen sender direkte i nett-tv. Her ser du høgdepunkta

Dagens gjesteprogramleiar, Carsten Skjelbreid, kjent som sportstanker i TV2 samt vinnar av “Skal vi danse”, blei også med Yngve på fest.

I ekte nachspiel-stil klemte dei til med gitar og allsang av Bruce Springsteen klassikaren “The River”.

Du kan også laste ned podkast (lyd) av dagens sending inkludert bonusspor på nrk.no/podkast

Marthe er kjent for å være positiv og glad, men da hun først åpna opp hat-døra, var hun nesten ikke til å stoppe. Her raljeres det om sure folk på bussen, om den verste drittfilmen hun har sett, og om journalister som stadig peker på magen hennes og spør om hun er gravid eller ikke. Men hun er jo snill og da. Heldigvis.