kakao – P3morgen

Gladlåtane kjem aldri!

Redaksjonen — Wed, 19 Oct 2011 11:26:05 +0000

Maria Mena kjem aldri til å lage ei gladlåt. Foto: Maria Olivia Rivedal, NRK

Maria Mena er klar for P3sessions i kveld kl 19 og startar dagen med varm kakao hos P3morgen.

Maria Mena er kjent for å skape vakre, sårbare og sterke låtar om dei vanskelege tinga i livet. Men då programleiar Live Nelvik lurte på om det ikkje snart kjem ei glad kjærleikslåt frå henne, svarar ho bestemt at dét kjem ho aldri til å lage.

Men det er ikkje fordi Maria Mena går rundt og er trist heile tida at ho skriv melankolske tekstar. Tvert imot så har ho det veldig bra. Ho er forlova, ute med ny plate (Viktoria) og skal spele P3sessions med Jonas Alaska i kveld. Men Maria fortel at det berre poppar opp klisjéar når ho prøver å skrive ei hyggjeleg låt og at ho skriv best når ho har vert gjennom ein prosess og har fått nytt perspektiv på ting:

Maria om gladlåt

Dette tørr eg ikkje gjere i Norge!

Maria Mena er, akkurat som Marit Larsen, stor i Tyskland. Og hos oss innrømmer ho at dei to tidlegare har snakka om at det er visse ting dei kan gjere i Tyskland som dei ikkje gjer i Norge. Som å vere med på X-factor og synge duett med deltakarane der.

Her fortel Maria om kva som skjedde sist ho var i Tyskland: Maria Mena om tyskland

Manndomsprøven

Som tidlegare nemnt skriv Maria Mena sårebare og litt skjøre tekstar. Men vi ville finne fram til den røffe og tøffe Maria og utfordra henne til den store manndomsprøven. Ho stod med glans – du må berre høyre henne spytte i glaset og rappe til Kanye West:

Maria Mena manndomsprøven

Høyr P3sessions direkte i kveld på P3 kl 19

Marit Larsen sin superkakao

Ronny Brede Aase — Wed, 19 Oct 2011 05:45:14 +0000

Marit Larsen er sjokoladeavhengig. Ho påstår det i alle fall sjølv. Då ho vitja P3morgen hadde ho både med eit lass sjokolade, og ei oppskrift på sjukt god kakao.

– Eg fekk vener og familie på besøk, då eg budde i New York for å skrive den nye plata mi. Dei hadde med seks store plater med norsk sjokolade, som dei tenkte eg kunne kose meg med fram til jul. Dei var vekke etter to veker, kunne Marit fortelje.
– Der er så mykje glede i god sjokolade.

Høyr Marit Larsen prate om sitt forhold til sjokolade og kakao her:
Marit Larsen om sjokolade

Haust = kakao

Marit elskar å lage kakao, og meiner hausten er perfekt tid for det.

– Eg lagar ein skikkeleg slem kakao, av store blokker med sjokolade. Hemlegheita er å blande lys og mørk sjokolade.

– Eg hakkar sjokoladen i små bitar, og heller den i kokande vatn. Deretter tilset eg litt chili og litt brunt sukker. Når dette blir ei røre, som luktar heilt fantastisk, tilset eg heilmelk. Og det må vere heilmelk!

Oppskrifta

Marit nyttar seg av svære sjokoladebarar. Henholdsvis 40% og 70% kakao.

1/2 av 70%-baren
1/4 av 40%-baren

Dette smeltast i kokande vatn, ca 2 dl.
Tilset litt brunt sukker og litt chili.
(Om du tåler litt styrke, bruk ca 1/2 ts chili, seier Marit)

Spe på med H-melk (ca 7,5 dl)

– Om du ikkje vil ha snerk i kakaoen, pass på å ta den rett før det kokar.

Vi testa oppskrifta

Vi i P3morgen måtte sjølvsagt teste Marit Larsen sin superkakao. Her følgjer ein bileteserie:

Her er alle ingrediensane samla.

Sjokolade, chili og brunt sukker i kokande vatn.

Melka hellast i!

Ferdig! Hurra! Digg var det òg!